Грешки кои ви ја „убиваат“ харизмата

Велат дека луѓето се раѓаат со или без харизма. Меѓутоа, како и се во животот, така и таа се вежба и учи.

За да им бидете посимпатични на луѓето и да имате потопли меѓучовечки односи, ви препорачуваме листа што да избегнувате.

Грешки со кои сами си ја „убивате“ харизмата:

1. Не ви е грижа за ништо

Ретко кој сака да биде близок со човек кој не се грижи за апсолутно ништо.

2. Не ги почитувате луѓето во чие друштво сте во моментот

Позната ситуација: одите на забава со пријатели, таму запознавате интересни ликови и автоматски пријателите ви стануваат никакви и здодевни.

Не ја правете оваа грешка. Запознајте ги пријателите со новите познаници и оставете разговорите да течат спонтано.

3. Лесно заборавате имиња

Ова е неиздржан изговор кој ве прави арогантни и надмени без причина. Затоа при следното запознавање, штом некој се поздрави со вас, повторете му го името. На пример: „Здраво, јас сум Александар“ – „Здраво Александар.“

4. Зборувате за работи за кои другите не се заинтересирани

Не зборувајте за вашиот тренинг или за вашиот начин на исхрана со луѓе кои не се заинтересирани за спорт и нутриционизам. Поставувајте повеќе прашања за да откриете какви теми ги интересираат, па потоа започнете разговор.

5. Зборувате само за себе

На овој начин многу брзо луѓето ќе ви ги препишат карактеристиките на себичен и здодевен човек. А, тие секако ја побиваат харизмата.

6. Озборување на заеднички познаници

Со тоа потајно ги терате луѓето да се прашуваат: Ако денес ја озборува неа, тогаш утре зошто не би ме озборувала и мене?

7. Зборувате премногу тивко или гласно, брзо или бавно

Мора да ја најдете златната средина ако сакате да го привлечете вниманието. И заборавете на хмммм, амммм, како бешеее...

8. Одговарање со еден збор

Одговорите кои содржат еден до два збора и не се врзуваат со некое прашање упатено до другата страна, автоматски ве прават непријателски расположени.

9. Жалење

Жалбите и поплаките ги одбиваат луѓето. Не зборувајте само за вашите проблеми. Бидете искрени, меѓутоа не набивајте негативност.

10. Ги лажирате навиките

Тешко е да се справите со човек кој има две лица. Со тоа што создавате лажна слика за себе никогаш нема да создадете почит кај другите.

М. Д. | Црнобело