Рецепти против комарци

Скоро и да дојде летото во Скопје и приказната е иста - премногу високи температури, диети и подготовки за на плажа, но и иритантни непријатели...

 

... - комарците, кои освен што не мачат и оставаат рани по убодот, може да пренесат и опасни болести.

Постојат два основни начини за борба против комарците - физички препреки и со помош на хемикалии.

Физичките препреки, мрежите го оневозможуваат простапот на комарците во просторијата во која сме, а со помош на хемикалии ги убиваме или бркаме надвор од просторијата.

Еве неколку 'природни' совети заборба против комарците:

• Комарците се собираат на стоена вода. Не ја оставајте водата од дождот која се насобрала околу вашето живеалиште да остане така. Истото важи и за садовите за миење - сушете ги до крај.

• Засадете лаванда во вашата градина или имајте во својот стан - таа со својот мирис ги брка комарците надвор.

• На прозорите поставите заштитни мрежи кои ќе ги спречат влегувањето на комарците.

• За бркање на комарците надвор од вашите простории, послужете се со етерични масла со мирис на еукалиптус.

• За време на ноќта, во својата крема за тело додајте неколку капки на етерично масло од еукалиптус и на тој начин ќе се заштите од убоди од најголемите летни непријатели.