Од допири до тајно снимање: Како се флертува во теретана?

Најмногу се додворуваат мускулестите фраери кои позираат пред огледалото, а девојките паѓаат на момци со качулки.

За да дознаат како се флертува во теретана, кој кому приоѓа, но и дали тоа води до нешто посериозно, креаторите на страницата EllipticalReviews.com спровеле интересно истражување на оваа тема. Учество зеле 1.000 мажи и жени што редовно вежбаат во теретана, а добиените податоци се навистина интересни.

За оние кои само сакаат да тренираат во мир, можно е резултатите од истражувањето да ги одвратат од намерата да вежбаат во теретана. Затоа, пак, дефинитивно ќе ги заинтересираат сите тие, што покрај стомачни мускули, одново би сакале да пронајдат и љубов.

А, еве што велат тие:

Паровите кои вежбаат заедно, остануваат заедно

43% од жените одговориле дека мажите им се додворувале во теретана, додека истото го доживеале само 21% мажи од страна на припадничките на понежниот пол.

Сепак, дури 70% од севкупните флертувања крај справите за вежбање, довеле до нешто малку подлабоко. 66% од испитаниците завршиле во кревет со личноста која им се пуштала, 61% од луѓето отишле на состанок,  а значајни 24% основале љубовна врска.

Кој има најмногу храброст?

Мажите кои земаат протеини се чувствуваат похрабро, па е 50% поголема веројатноста дека ќе се одважат да ѝ пријдат на девојката, баш како и мускулестите фраери кои позираат пред огледалото, пијат суплементи и обожуваат да прават селфи фотки, открива истражувањето.

Каква облека е најпривлечна?

Кога се жените во прашање, мажите најмногу ги привлекуваат спортските маички без ракави, па шорцевите и хеланките, кои се само малку попопуларни од бициклистичките шорцеви и тренерките.

Жените, пак, најмногу кокетираат со момците кои се облечени во дуксери, па на оние што носат маици без ракави, а сакаат да видат и кошаркарски шорцеви, кратки спортски панталончиња, тренерка и бела маица со куси ракави.

Што е одбивно?

Без оглед на тоа дали сакате да оставите впечаток на топла особа или не, во никој случај не ги допирајте луѓето кои не ги познавате добро.

45% од жените изјавиле дека им било многу непријатно кога некој во теретаната ќе почне да ги пипка, а што го поддржале и 11% од мажите.

Шпиони меѓу нас

Кога се „тајните фотографии“ во прашање, жените се полоши од мажите. 8% од нив признале дека потајно сликале мажи без нивно знаење, додека истото го признале 6% од припадниците на посилниот пол.

М. А. | Црнобело