6 работи кои не треба да ги правите во авион

Летовите можат да бидат многу стресни, а за многумина и страшни и неподносливи.

Некои се навикнати на летање со авион и немаат никакви проблеми, а други пак не сакаат ни да помислат и летаат само кога мораат.

Но, она што е нормално на земја изгледа целосно поразлично и понепријатно во воздух.

Ако сакате да имате пријатен и лесен лет, прочитајте што не смеете да правите:

1. Да носите контактни леќи

Леќите обично ги сушат очите, а тоа комбинирано со сувиот воздух во авионот, може да доведе до непријатни резултати. Затоа, подобро е да ставите очила додека летате.

2. Да ги затворате ушите кога ќе ви се затнат

За време на полетување и слетување, ушите често знаат да ви се затнат поради разликата во притисокот.

Првата реакција на секој човек е да ги затвори ушите со прсти. Овој метод не функционира, но можете да го намалите непријатното чувство на следниве начини:

• Шмукање и голтање - Возрасните можат да користат гуми за џвакање, а децата шише вода.
• Отварајте ја и затварајте ја устата повремено.

3. Да летате со затнат нос

Затнатиот нос додава повеќе притисок на ушите и може да доведе до траума. Секако, тоа не значи дека ќе го откажете летањето заради настинка, но барем имајте капки кои ќе ги користите пред полетување и слетување.

4. Да седите без да се помрднете цел лет

За време на летот, циркулацијата на крвта е побавна, а седењето и недвижењето го зголемува ризикот за тромбоза. Следете ги следниве правила за да го избегнете тоа:

• Станете и прошетајте малку низ кабината
• Носете облека која не ви го ограничува движењето на телото
• Истегнувајте го телото повремено

5. Да седнувате назад ако ви се лоши од движење

Ова правило функционира како за автомобил и автобус, така и за авион. Најдобро е да ги одберете местата понапред или до крилата. Исто така внимавајте што јадете ден претходно – не јадете нишшто пржено и мрсно и не пијте алкохол.

6. Да користите мобилни уреди

Полетувањето и слетувањето се најтешките фази во летањето, а сигналот од вашиот мобилен телефон може да ги попречи врските во радио комуникацијата и системот за навигација, па пилотот нема да може да ги слушне информациите од контролорот.

М. М. | Црнобело