Зошто во авионите не даваат падобрани во случај на несреќа?

Многумина од луѓето кои патуваат со авиони, некогаш се имаат запрашано зошто во авионите нема падобрани во случај на несреќа.

Некои сметаат дека во тој случај би можеле многумина да се спасат, но сепак тоа не е вистина.

Постојат неколку причини заради кои ова не е возможно.

Недостатокот на падобрани за патниците е објаснет со неколку факти:

1. Авионот како превозно средство е многу безбедно, а за споредба, шансите за авионска несреќа се 1:11.000.000, а за несреќа со автомобил се 1:5.000.

2. Авионите летаат на надморска височина од 10-12 километри со брзина од 800-1.000 километри на час. Во такви услови, падобранот е бескорисен – температурата е од -40ᵒС до -60ᵒС, атмосферата е тенка и практично нема кислород, а човекот не би преживеал.

3. Голем број на несреќи се случуваат за време на полетување и слетување. Во овој случај, патниците не би имале време да ги искористат падобраните, бидејќи на толку ниска висина нема доволно време да се отворат.

4. За време на несреќата, луѓето се во паника и би било многу тешко сите да успеат да ги стават падобраните и да се организираат да скокнат.

5. Многу е скапо авионот да биде опремен со падобрани за 150-200 луѓе. Освен тоа, авионите ќе мора да обезбедат простор за толку голема количина и тежина, па така би имало и помалку простор за багажот на патниците. Тоа ќе доведе до повисоки цени за билети, бидејќи трошокот ќе биде голем.

М. М. | Црнобело