Слична генетика или обична случајност: Зошто другарките си наликуваат една на друга?

Луѓето многу често коментираат дека другарките си личат една на друга. Веројатно и вие сте имале таква или слична ситуација, но ако размислиме подобро тука нема ништо чудно.

Вие и вашата пријателка поминувате многу време заедно, делите тајни, некои нешта за вас ги знае само таа и обратно. Верувале или не, сите овие работи влијаат на вашето однесување како кон неа така и кон околината.

Сличностите кои што се јавуваат помеѓу две другарки, најчесто се припишуваат на тоа што и двете функционираат во иста средина, имаат заедничко друштво и излегуваат во исти локали.

Сепак според списанието „Proceedings of the National Academy of Sciences“, блиските пријатели имаат и слична генетика.

Објаснувањето лежи во тоа што кога се поврзуваме со одредени личности, колку што тие ни се посличен нам, толку се поголеми и шансите да изградиме постабилни пријателски односи.

Големо влијание врз градењето на пријателските односи имаат и заедничките интереси, дополнителните активности, спортувањето, средно училиште, факултет или работа.

Според ваквото истражување на Бенџамин Доминик, може да се констатира дека пријателите имаат одресени сличности во генетскиот код, а тоа е така најмногу поради изборот на општествената определба.

Па ако размислиме подобро, можеби Бенџамин имал право, нели!?

С. У. | Црнобело