Во Финска учење низ песна, во Кина со строги казни: Како изгледа образованието низ светот?

Во училиштата во Сингапур се наложува многу практична работа, а во Виетнам вистински морални вредности.

Многумина го поврзуваат успехот во животот со квалитетот на едукацијата. И дефинитивно дури и најталентираното дете без правилно насочување многу лесно може да не направи големи достигнувања.

Потребно е да сториме сè што е во наша моќ за да имаме брилијантен едукативен систем.

Инспирација од некои од едукативните системи во светот:

Сингапур

Образованието во Сингапур се смета за најдобро во светот, иако некои го обвинуваат за преголем притисок врз студентите, резултатите се импресивни.

Учениците имаат многу практична работа, допир со професијата што ја избрале за во иднина, за да видат дали тоа е вистинскиот избор за нив и главно мото на наставниците е дека не им е најважно дали учениците го дале вистинскиот одговор, туку дали добро го разбрале прашањето.

Јапонија

Јапонците за најголемо зло ги сметаат наставниците кои само зборуваат пред учениците и сметаат дека ученикот ќе ја разбере материјата само кога тој ќе излезе пред одделението и ќе објаснува како предавач.

Таму се даваат многу домашни задачи, а главен аспект е здравата храна на учениците. Се смета дека во Јапонија живеат најздравите деца во светот, поради одличниот начин на исхрана во училиштата.

Естонија

Во естонските училишта се промовира апсолутна еднаквост на децата, без разлика на потеклото и финансиската ситуација на семејството.

Наставниците остануваат долго време со истото одделение, некогаш дури и по 6 години. Така градат однос на доверба и отвореност.

Но, и ако ја посетите Естонија може да наидете на незадоволство од едукативниот систем, затоа што за Естонците како никогаш да не е ништо доволно, тврдат одредени аналитичари.

Кина

Во Кина на прво место е тимот, а не индивидуата. Наставниците се апсолутен  авторитет и родителите тоа им го дозволуваат. Таму трудот не се смета за среќа, туку за плод на напорна работа.

Им се даваат многу задачи и процесот на едукација е стресен. Децата мора да научат што е лично постигнување.

Се користат и казни, сè со цел децата да научат повеќе и да бидат дисциплинирани. Главна цел не е самото учење, туку правилното обликување на децата како личности со вистински морални вредности.

Финска

Во едукативниот процес во Финска многу работи ќе ве изненадат. Таму нема домашни задачи и ден во училиштето не минува без музика.

Децата свират на инструменти, дури и снимаат свои музички изведби, а музичкото образование се цени исто како и математиката.

Тестовите се спроведуваат така што децата треба да се снајдат да решат неочекувани проблеми и се говори отворено за тешки теми како војни, дрога и сексуална едукација.

Виетнам

Во Виетнам наставниците имаат авторитативен став како родители кон децата. Слично како во Кина.

Децата учат странски јазици, посетуваат дополнителни курсеви и образованието не го сметаат само за пат до успехот, туку и за можност да му донесете напредок и почит и на вашето семејство.

Прво таму ви наложуваат да научите да воспоставувате добри врски со другите луѓе, а дури потоа стапува знаењето на сила. Моралниот аспект и почитувањето на традицијата се изучуваат подеднакво посветено како и географијата на пример.

Пишете ни од ваше искуство – каква е ситуацијата во Македонија?

С. С. | Црнобело