Социопатски техники кои жените ги користат повеќе отколку мажите

По дефиниција, социопатите се луѓе кои се познати по тоа што се подготвени на секаква манипулација, за да можат да го добијат она што го сакаат.

Без разлика дали се мажи или жени, тие имаат недостиг на емпатија и на социјални вештини, а во сè гледаат начин да добијат нешто за себе.

Некогаш навистина не е лесно да се забележи дека некој е социопат, знаејќи го фактот дека тие се околу 4% од вкупното население. Некои од социопатските техники кои тие ги користат се позастапени кај жените социопати отколку кај мажите.

Ова се најчестите техники кои жените социопати ги користат:

Рушење на нечија репутација

За да можат полесно да дојдат до она што го сакаат, тие се подготвени да ги срушат кредибилитетот и репутацијата на оној кој им стои на патот.

Тоа го прават уверливо, со помош на озборувања и измислици, без да покажат нималку агресија. Токму затоа и лесно е да им се поверува.

Се закануваат дека ќе си наштетат себе

Повторно, ова не го прават директно, туку спротивната страна ќе го сфати тоа од нивните постапки или излагања. Ќе глумат дека се поранливи отколку што сè, така што на другиот ќе му биде страв да не им ја задоволи желбата.

Лажење со предумисла

Нивните лаги се толку добро смислени што дури и кога сте свесни дека не се вистина, тешко ќе можете да го докажете тоа. Тие ги земаат предвид сите можни докази што можат да им се испречат на патот и врз основа на сè останато, создаваат приказна со која ги манипулираат другите.

Опсипување со љубов и комплименти

Не може да се тврди дека не го мислат тоа, но и сигурно е дека не ги кажуваат тие нешта само затоа што сакаат да ги кажат. Жените лесно ги користат своите емоции за да ги манипулираат другите, во своја корист.

Претерано се грижат за личноста која е нивна цел

Жените може да бидат вистински лидери на деструктивен култ и да се скријат зад природната грижливост и мајчинската наклонетост. Жените-социопати го можат токму тоа.

Глумат дека се жртви

И успеваат во тоа. Тие се како камелеони и лесно се претопуваат во улогата на жртва во секоја ситуација која не им се допаѓа. Внимателно со таквите!

Е. Д. | Црнобело