Уживајте во топли пијалаци

Во зима мораме дополнително да го грееме организмот, а за тоа се идеални топли зимски напивки. Ова се две кои се подготвуваат мошне...

 

...едноставно, а имаат посебен вкус. Одберете што ќе си подготвите да ве затопли во студените зимски денови.

Банана пунч

Потребни состојки:

• 150 ml сок од банана
• 2 лажици кафеав шеќер
• ¼ лажица цимет
• ½ портокал
• 40 ml рум
• парченца банана

Подготовка:

Сокот од банана сварете го заедно со шеќерот и циметот. Тргнете го од огнот и оставете да стои неколку минути. Истиснете го портокалот и измешајте го со стоплениот сок од банана. По желба прелијте со рум и послужете го со парчиња свежа банана.

Зимско кафе

Потребни состојки:

• 50 g чоколадо за готвење
• 300 ml млеко
• 1 лажичка кафеав шеќер
• ½ лажица цимет
• 1 лажица кафе
• 200 ml слатка павлака или шлаг

Подготовка:

Млекото ставете го да се стопли и тргнете го од огнот. Додајте чоколадо за готвење, шеќет и цимет, а садот вратете го назад на огнот и варете 5 до 10 минути со постојано мешање. Потоа додајте го кафето и се заедно гответе уште 1 минута. Додадете го направениот шлаг или слатката павлака, полека мешајте и добиената смеса служете ја додека е топла.