Браќа и сестри кои меѓусебно не се поднесувале: фамилијарни ривалства низ историјата

Многу луѓе се поврзани со своите роднини, браќа, сестри, меѓусебно се сакаат и почитуваат, но постојат и оние кои не можат да се поднесат. Иако се во крвно сродство, постои големо ривалство меѓу нив. 

Најдобар пример за ова се познатите личности низ историјата кои имале големи проблеми со своите роднини.

Ова се некои од најголемите ривалства на познатите роднини низ историјата.

Сестрите Болен

Ова кралско ривалство е едно од оние кое се раскажувало низ историјата, а ги има сите карактеристики на модерна драма.

Сестрите Марија и Ана Болен се бореле за наклонетост на Хенри VIII. Британскиот крал прво ја земал Марија за своја љубовница, за потоа да ја остави и да се ожени со Ана.

И покрај фактот што Ана победила во ова ривалство, таа, всушност, го извлекла лошиот крај, бидејќи нејзиниот сопруг подоцна ја обезглавил.

Сестрите Ендрус

Лаверн, Максин и Пети се родени сестри и трио на популарна музичка група во 40-тите и 50-тите години на минатиот век.

Но, иако биле дел од групата, сестрите не разговарале една со друга. Подоцна, Пети дури и се приклучила на другата група без да им каже на сестрите.

Пума и Адидас

Во дваесеттите години од минатиот век, германските браќа Адолф и Рудолф Даслер заедно формирале компанија за чевли. Како што се развивала работата, така се развивала и тензијата меѓу нив.

Втората светска војна официјално ги поделила, Адолф го создал брендот Адидас, додека Рудолф го создал брендот Пума.

Ашера | Црнобело