Зошто луѓето се сè помалку среќни околу Нова година и празниците?

Нова година и Божиќ се веројатно најпопуларните празници во текот на годината и околу нив се создава огромна еуфорија. Но, зошто таа еуфорија со текот на годините спласнува?

Постојат 4 главни причини кои се логично објаснување:

1. Вештачка, исфорсирана среќа

Не можете да бидете среќни и расположени според распоредот на обврски и прослави. Тоа што ќе останете будни последната ноќ во годината до ниедно време не ви гарантира добар старт на истата.

Луѓето полека стануваат свесни за тоа и одбиваат да се расположени само затоа што утре е 1-ви јануари.

2. Лошо време за самотија

Празниците се време кога сакате да бидете со семејството и пријателите, но целиот тој притисок може да ги разниша и најстабилните љубовни и пријателски врски.

Тензиите и нервозите од потребата сè да помине совршено ја крадат среќата и создаваат чувство на самотија и бескорисност.

3. Нова година и Божиќ ги парализираат секојдневните активности и рутини

Ништо не работи, улиците се празни, со исклучок на кафаните и кафулињата. Првите неколку денови во јануари сите се молиме да не ни затреба да платиме сметка во банка, пошта или да одиме во болница.

4. Магијата не се купува

Не можете да ја купите новогодишната магија, иако упорно секоја година трошите во просек една плата за подароци, храна, декорации и украси.

М. Д. | Црнобело