До 30.03 сме во ретрограден Меркур - што значи ова и каков период да очекуваме?

Од 17.02 на сцена влегува ретрограден Меркур - најомразениот период за многу луѓе. Ретрограден Меркур е привидно движење на Меркур наназад, и укажува на поизразена опасност од можни почести или значајни грешки во постапките и во разбирањето. 

Во астрологијата, Меркур е поврзан со комуникација и информации, со перцепција, со размислување и расудување, со транспорт и патување, со размена и трговија и др.

Каков период може да очекуваме?

Кога Меркур е ретрограден, честопати е неопходно да се биде екстра внимателен.

Ретрограден Меркур претставува поголем ризик за започнување на некои активности или некои работи без соодветна подготовка или без доволно јасен, прецизен и реален план и правилно разгледување на ситуацијата.

Ова, исто така, повлекува ризик од пречки, проблеми и неуспех во обидот да се реализираат идеи и планови.

Оваа транзиција со себе носи опасност од животни „стапици“, па е пожелно да бидеме претпазливи кога станува збор за важни договори, согласности, потпишување договори и слично.

Дополнителна претпазливост е исто така пожелна при купување недвижнини, автомобили и скапоцености, како и при превоз на вредни артикли.

При патување постои поголем ризик од појава на разни непријатни ситуации, а таквите непријатности често можат да бидат поврзани токму со појава на дефект на возилото и недоразбирања во комуникацијата помеѓу луѓето кои патуваат.

Првиот ретрограден Меркур во 2020 година започна на 17.02 и ќе трае до 30.03. Овој ретрограден Меркур е во знакот на Рибите, што значи дека е лишен од својата рационална страна и логичка природа.

Ашера | Црнобело