Зошто кучињата ја накривуваат главата кога им зборувате?

Сигурно сте забележале дека често кучињата ја накривуваат главата додека им зборувате и изгледаат како да ви го разбираат секој збор.

Тоа не е случајно, туку има неколку можни причини:

Сакаат подобро да ве слушнат

Ушните школки на кучињата се движат, а со тоа им овозможуваат да го лоцираат звукот, па со помош на мозочните функции го одредуваат времето на звукот кој стигнува до увото. Кога кучето ја движи главата, добива дополнителни информации, односно, тоа му помага подобро да го лоцира местото и оддалеченоста на изворот на звукот.

Се обидуваат да ве разберат

Кучињата се обидуваат да ги идентификуваат познатите зборови или тонови кои ги асоцираат на награда. На пример, прошетка, коска, надвор... Мускулите на средното уво кај кучињата го контролираат делот од мозокот кој е одговорен за изразите на лицето и движењата на главата, па некои стручњаци заклучуваат дека кучето на тој начин се обидува да комуницира.

Така можат подобро да ви го видат лицето

Во обидот да ве разберат, кучињата не ги користат само зборовите и интонацијата што ги слушаат, туку и изразот на лицето, говорот на тело и движењето на очите. Затоа со накривувањето на главата се обидуваат подобро да ги забележат знаците на вашето лице.

Погледнете како изгледаат кога внимателно ве слушаат: