6 совети како на вашиот миленик петардите и огнометот да не му бидат траума

Новата Година е време на забава и опуштање со пријателите и најблиските, но покрај петардите знае да биде трауматична за нашите миленици. Огнометот за нас можеби е посебно визуелно доживување, но за кучињата знае да биде тешко искуство.

Како можете да им помогнете на вашите миленици?

1. Вашето куче или мачка секогаш мораат да имаат барем едно место каде ќе можат да се сокријат. Тоа може да биде место под вашиот мебел во најтивката просторија од вашиот дом. Имате куче? Оставете му ги играчките во таа просторија за да ја поврзе со сигурноста, безбедноста и уживањето.

2. Погрижете се секогаш да бидат на безбедно, да не можат да излезат на сред улица, ако се преплашат. Во случај вашиот миленик да избега, добро е да имате микрочип за да го пронајдете.

3. Шетајте го миленикот додека надвор е светло и нема петарди. Навечер можете да ги прошетате сосема кратко по потреба.

4. Ако вашиот миленик е исплашен, не смеете да го казнувате за тоа. Не му викајте и не го казнувајте, бидејќи така само ќе ја влошите ситуацијата.

5. Игнорирајте ги и вие звуците. Забавувајте го вашиот миленик со неговите играчки само доколку сака.

6. Здружете го со куче или маче кои знаете дека не се плашат од огномет и петарди. Така, еден на друг ќе си прават „друштво“, а вашиот миленик ќе сфати дека не треба да се плаши.