Играчки, секси масажа: Како да го „зачините“ сексуалниот живот (во долга врска)?

Дозволете му на партнерот да ве гледа додека мастурбирате, а разговарајте отворено и за користење секс играчки. Како да ја разбиете монотоноста во кревет, особено ако сте во долга врска?

Иницирањето секс за некои луѓе понекогаш може да биде и малку незгодно. Всушност, некои од партнерите може да чувствуваат дека тие секогаш започнуваат први, а други пак може да стравуваат од тоа да бидат одбиени.

Ако сакате да се запознаете малку повеќе со тоа како да иницирате секс на позабавен начин и да ја зголемите возбудата помеѓу вас, сигурно ќе ви помогнат следниве совети:

Облечете провокативна долна облека (или останете сосема голи)

Искористете го моментот кога сте сами дома и влезете во дневната соба облечени само во долна облека или, пак, сосема голи. Може да го направите ова во спалната соба – легнете на креветот, пуштете тивка музика и опуштете се.

Совет плус: Иако појавувањето во секси долна облека или без воопшто облека на вас е супер идеја, пред да се одлучите на овој чекор проценете го расположението на вашиот партнер. Нема да функционира сè така добро ако партнерот е уморен или нерасположен.

Започнете сами

Ако одите во кревет пред вашиот партнер, обидете се да ги започнете работите сами. Може да почнете рачно да се стимулирате или да користите секс играчки, при што ќе ја подигнете возбудата пред да ви се придружи партнерот. 

Совет плус: Дозволете му на партнерот да гледа како мастурбирате. На овој начин тој ќе има можност да научи што навистина ве возбудува, а исто така ќе ја зголеми возбудата и кај него.

Понудете сензуална масажа

По долг и напорен ден, понекогаш тешко е да се замисли иницирање секс и зголемување возбуда. Меѓутоа, за да го поттикнете задоволството и возбудувањето, понудете сензуална масажа која полека ќе создаде желба за секс и кај двајцата.

Совет плус: Погрижете се за амбиентот, односно, размислете за тоа дали температурата во собата е добра, погрижете се за светлото, дали сакате музика или не, кој е омилениот мирис на вашиот партнер…

Продолжува на следната страница...