14 потсетници за сингл жените, во пресрет на Денот на вљубените

Кога сте сингл, можете целосно да си се посветите на себе – искористете го ова.

За вљубените, Денот на вљубените може да биде најубавиот празник. Но, оние кои се сингл може и да го презираат.

Ако сте сами овој Ден на вљубените, не значи дека е крај на светот.

Ако сакате да најдете љубов, сигурно ќе ја најдете кога ќе дојде време за тоа.

А, ако ви е тешко да се ослободите од лошите мисли, можеби ќе ви помогнат следниве потсетници:

1. Се наоѓате токму каде што треба да бидете и не сте поназад од другите околу вас само затоа што немате партнер.

2. Не сте должни да им објаснувате на другите зошто сте сингл.

3. Вашиот љубовен статус не треба да им биде од интерес на другите.

4. Луѓето можеби ќе ве осудуваат и ќе имаат погрешно мислење за вас – игнорирајте ги.

5. Во ред е да сакате да бидете сингл.

6. Во ред е и ако не ви се допаѓа тоа што сте сингл.

7. Вашето време исто вредно колку и на другите.

8. Неуспешните врски од минатото не ве дефинираат како личност.

9. Кога ќе бидете во среќна врска, ќе има мигови кога ќе ви недостасува и овој период од животот.

10. Кога сте сингл, можете целосно да си се посветите себеси – искористете го ова.

11. Кога ќе излезете на состанокот, не се фокусирајте премногу на тоа дали му се допаѓате на мажот – размислете дали тој ви се допаѓа вам.

12. Не треба да се венчате, да имате деца или да бидете во врска за да бидете исполнети.

13. Немојте да трпите непочитување од некој маж само затоа што сакате да најдете партнер.

14. Вие вредите многу повеќе отколку што мислите.

Спирова С. | Црнобело