„Јас сум во среќна врска, но ми недостига возбудата на состанувањето“

Едноставно веќе се познаваме премногу добро и не беше возбудливо како на почетокот.

Мистеријата ја замени нешто познато.

Не го споделив ова со Бен тогаш, затоа што предностите го надминуваа негативниот аспект.

Сакав да бидам во сигурна и среќна врска и со него го живеев мојот сон.

Сега, три и пол години по стапувањето во врска, сè уште ми недостасува адреналинот кој го носеше излегувањето на состаноци. Таа возбуда од можностите.

Тоа го споредувам со јадење здрава храна долго време и кога изненадно добивате силна желба за шеќер. Знаете дека не е добро на долг рок, но понекогаш едноставно го сакате тој забавен момент.

Изгледав многу подкасти за врски и имав разговори со пријателки и сфатив дека недостигот од возбуда е нормална и тоа не значи дека вашата врска е нарушена.

Дури и моите пријателки ми признаа дека се чувствуваат исто.

Често тоа е обвивено со срам, како да тоа што ви недостига енергијата од излегувањата значи дека не сте благодарни или дека емоционално сте го изневериле партнерот.

Но, не е така!

Врските,  без разлика колку и да се прекрасни, не треба да ги исполнуваат сите ваши потреби.

Ако чувствувате потреба за нешто, прашајте се: дали тоа е поврзано со врската? Или е поврзано со мене?

За мене, лекот би бил да најдам начини да внесам повеќе забава и спонтаност во нашите рутини.

Понекогаш тоа е толку мало нешто како што е замена на нашата вообичаена домашна вечера со земање храна за носење. Или да отидеме во кино, наместо да гледаме Нетфликс дома.

Ако ви недостасуваат пеперутките, можеби е време да планирате излегување.

Клучот е да не ја обвинувате врската, туку да ја разбудите.

Ако ви недостасуваат пеперутките, можеби е време да пробате нешто сосема ново заедно – курс по керамика, вечер на салса, нов ресторан.

Не мора да биде големо. Само треба да биде различно.

А ако вашиот партнер не е за тоа, направете го за себе.

Резервирајте си соло вечер во ресторан, пробајте нов рецепт или прошетајте низ галерија. Додадете малку зачин на вашиот живот.

Недостигот од возбуда не е закана за вашата врска, тоа е аларм за потреба од разговор, промена и истражување. Да додадете малку новитет во вашиот живот.

И најдобрата работа?

Не треба да се откажете од безбедноста и сигурноста на љубовта за да ја добиете таа искра повторно. Само треба, заедно или самостојно, да испланирате нешто ново, надвор од рутината“.

С. С. | Црнобело