Момците повеќе страдаат по раскинувањето

Според традиционалното сфаќање, жените сериозно страдаат после несреќна љубов, додека мажите кои демонстрираат сила, ги кријат своите чувства.

Спротивно на врежаното мислење, резултатите од новото истражување објавено во американското стручно списание "Journal of Health and Social Behavior" покажуваат дека всушност мажите повеќе страдаат ако дојде до раскинување на врската.

Изгледа дека мажите во раните дваесетти години потешко го доживуваат раскинувањето како и подемите и падовите во врската отколку жените – ова е затоа што жените во тие години веќе ги изградиле односите со пријателите и семејството. Момците ја немаат таа поддршка.

Ако партнерката е единствената личност во која што имаат доверба тие се ранливи кога ќе останат без неа, дури и ако јавно не ги покажуваат своите чувства. Тие не се доверуваат помеѓу себе како девојките, меѓу момците владее конкурентски однос и поради тоа после раскинувањето се чувствуваат изолирано.

Најновата анкета покажала дека мажите во поголема мерка ги доживуваат нестабилните врски како стрес, но и извлекуваат поголема емоционална корист од љубовната врска која ја сметаат за среќна.

Истражувањето наведува на заклучок дека за младите жени е поважно дали имаат партнер или не, отколку дали се среќни во врската. Во случај да раскинат тие се подготвени да зборуваат за своите чувства со пријателките, додека мажите ретко ги изразуваат чувствата.