Знаете ли што е тоа „адреналинска љубов“?

Многу големи љубови започнале во непријателски дух, а страста се создала со текот на времето. Тоа им дало повод на американските сексолози да истражуваат дали стресот, односно адреналинот може да доведат до силни емоции.

Имено, во стресните и опасните ситуации хормоните лудуваат, а тоа може да доведе и до силни страсти и љубов. Сексолозите заклучиле дека мажите под дејство на адреналин чувствуваат силна страст кон жените, па таа им е поатрактивна и помалку се критични кон нејзините мани.

Поголеми се шансите да се вљубат под налетот на адреналин или стрес, што можеби може да биде и објаснување за флерт и врски помеѓу вработените.

Истражувањето помеѓу жените покажало дека дамите во екстремни ситуации позитивно реагираат на посилниот пол, особено ако мажите покажат храброст и желба да ги заштитат кога се во неволја, тогаш сосема го занемаруваат неговиот изглед или материјален статус.

Сепак, за да успее адреналинската љубов потребно е многу повеќе бидејќи кога хормоните ќе се вратат во нормала и партнерите можат пообјективно да ги согледаат маните, тогаш станува јасно дали се еден за друг.

Какво е вашето искуство? Сте биле ли во „адреналинска љубов“?