Само овие 2 особини се клучни за среќна врска

Психологот Јон Готман својот живот го посветил на истражување на љубовните врски и бракови, а врз основа на податоците кои до сега ги собрал, заклучил дека за успешната и долготрајна врска се потребни само 2 особини - дарежливост и љубезност.

Познатиот психолог во своето истражување тврди дека во 94% од случаите може да ја процени иднината на врската според љубезноста и дарежливоста, но и непочитувањето, критикувањето и непријателството на партнерите.

Љубезноста ги спојува паровите и е најважен показател на стабилноста, затоа што само така партнерот се чувствува почитувано и сакано.

Исто така, важно е луѓето во брак или врска да бидат дарежливи, односно да имаат разбирање за потребите на партнерот и да не ги забораваат ситниците кои може да ги направат за другиот да не се чувствува игнорирано или неважно.

Најважно е да бидете љубезни дури и во кавгите, порачува Џон, особено заради тоа што непочитувањето и агресивноста можат трајно да ја оштетат врската.

Иако е важно да ја разберете тешката ситуација, не заборавајте дека од клучно значење се и реакциите во среќните моменти. Начинот на кој реагирате на среќните вести од вашиот партнер може да има драматични последици на врската.

Заради тоа, ако сакате да имате долготрајна и среќна врска не заборавајте да бидете љубезни дури и во кавгите, но и дарежливи дури и тогаш кога мислите дека тој/таа не го „заслужува“ истото.