Неженствени работи кои ги привлекуваат мажите

Жените се сметаат за понежен пол, полн со разбирање, емпатија и мајчински инстинкти, во споредба со мажите кои се прикажани како заштитници, агресивци и себични личности. Ова главно се должи на непишаните правила кои го диктираат однесувањето на „вистинските" дами и девојки кои мора да се почитуваат, со цел да се привлечат мажите.

Но, постојат одредени однесувања кои не се толку дамски, а ги привлекуваат мажите.

Може да поднесе алкохол

Коктелите обично се поврзуваат со жените, кога станува збор за алкохол. Но, доколку мажите видат дека девојките можат да пијат алкохол, особено „машки“ пијалоци, како пиво или виски, без да се опијат, тоа дефинитивно може да ги импресионира.

Гласно се смее

За мажите нема ништо попривлечно од девојка која има смисла за хумор и не се плаши да се насмее од срце. Ништо не е повеќе привлечно отколку женската заразна смеа.

Јаде сé што сака

Голем број на жени јаде помалку отколку што сакаат, бидејќи се грижат за нивната линија, а многу често јадат само салати за да избегнат масти. Девојки кои не се плашат да нарачаат месо и компири секогаш ќе бидат повеќе привлечни за мажите. Грижа за здравјето е една работа, но одбивање на одредена храна од страв дека никој нема да те сака е сосема поинаква работа. Секогаш може да се живее здраво и да се ужива во храната која ја сакате, сè додека ја консумирате во умерени количини и без претерување.

Нема проблеми со сопствената сексуалност

За многу девојки ова е особено чувствителна тема, но мажите сакаат девојки кои немаат проблем да зборуваат за својата сексуалност, особено за она што го сакаат, а што не. Ова е особено важно ако сте во врска, бидејќи е битно и двајцата партнери сексуално да се разбираат.

Не ги крие чувствата

Повторно се враќаме на непишаното правило дека мажите се тие кои треба да го направат првиот чекор. Што би се случило кога девојката прва би му се доближила на дечкото? И мажите и жените подеднакво ги мразат игрите и шпекулациите. Девојка која отворено зборува за своите желби и намери е подеднакво привлечна и прекрасна во очите на мажите.

М. А. | Црнобело