Дали вашиот карактер е виновен за лошото справување со раскинувањето?

Сите знаеме дека раскинувањата се тешки за сите, но според едно ново истражување во Personality and Social Psychology Bulletin, некои луѓе подобро се справуваат со нив отколку остантите...

Клучната разлика, според Стенфорд универзитетот, лежи во тоа како си го објаснувате раскинувањето, т.е. оние кои се обвинуваат себеси за неуспехот на врската и го поврзуваат со перманентни квалитети, потешко се справуваат со прекинот на врската.

За да истражиме како начинот на кој се дефинираме себеси влијае врз нашите врски, истражувачите ги прашале испитаниците до која мера сметаат дека нивниот карактер е променлив или перманентен.

Тие откриле дека оние кои сметаат дека нивниот карактер е непроменлив, се чувствувале прогонувани од минатите одбивања, некогаш дури и години подоцна.

Овие откритија имаат интуитивна смисла: Ако усвоите нечие одбивање како доказ за вашата сопствена непосакуваност, ќе бидете во лошо расположение не само поради тоа раскинување, туку и во идните.

Ова дури се случило и на телевизија. Кога Бен Хигинс учествувал во реалното шоу The Bachelorette тој и признал на Кејтлин Бристоу дека се чувствувал дека не може да биде сакан откако неговата последна девојка го оставила. Исто така, открил и дека се плашел од идни одбивања и како што предвидуваа, Кејтлин не го избрала за финалист - уште една причина плус зошто луѓето кои усвојуваат одбивања не треба да учествуваат во емисии за љубовни состаноци.

„Од друга страна, луѓето кои најлесно се справиле со раскинувањето се оние кои раскинувањата ги гледале како случајни, отколку како индикатор на нивните маани, па затоа можеле да замислат подобра иднина“ – велат авторите на истражувањето.

Ова откритие предлага дека клучот во надминување на раскинувањето е да препознаете дека не значи дека вашиот карактер е виновен. Па дури вие да згрешивте, секогаш имате моќ да се промените. 

С. С. | Црнобело