Зошто паровите кои се расправаат се најсилни?

Расправиите не се знак дека нешто не е во ред со вашата врска, туку дека сте двојка со различни мислења и ставови, а имате доволно доверба во себе да можете да ги изразите истите.

Според психологот Гејл Залтц, ако луѓето не се осмелуваат да го изразат своето мислење на крајот се чувствуваат како жртви и така самите штетат на врската.

Па, запрашајте се, „Дали можам да бидам свој/а во врската и дали се плашам да го изразам своето мислење?“.

Но, исто така, имајте на ум и дека не секоја расправија е продуктивна.

5 совети како секоја расправија со партнерот да биде продуктивна:

1. Прифатете го фактот дека мислењето на другата личност се разликува од вашето.

2. Веднаш што ќе почувствувате гнев мирно дајте му до знаење на партнерот дека не сте задоволни.

3. Не ги изговарајте зборовите за кои знаете дека ќе зажалите подоцна.

4. Слушајте – не само себеси, туку слушајте го и мислењето на другата личност.

5. Не ја менувајте темата. Цел е да се објасните и да најдете мирно решение на конфликтот.

Н. Г. | Црнобело