Ве контролира ли партнерот?

Ако некој друг го контролира вашиот живот, а вие сте веќе возрасна личност, тогаш треба да се подразмислите дали таквата пасивност е во ваша корист?

 

Препознајте ги сигналите кои укажуваат на тоа дека контролата сте ја препуштиле на некој друг:

- Поголем дел од времето имате екстремно чувство на повреденост, лутина, немоќ, еуфорија или возбудување, а луѓето кои ја препуштаат контролата на другите, во основа зависат од нивната акција и реакција.

- Ви се случува често да мислите "Кога само тој би...јас би..."

- Центарот на вашата моќ е надвор од вас. Вашето расположение најповеќе зависи од тоа како вашиот партнер се однесува кон вас.

- Туѓото мислење ви е поважно од сопственото.

- Најмногу време трошите на реакција, а многу малку на проактивно оснесување.

- Размислувате како можете да ги промените туѓите мисли, чувства или однесување, наместо да се фокусирате на сопствените.

- Самоувереноста ви е на ниско ниво.

- Сметате дека вашиот партнер е поубав, попаметен или понасочен во повеќето од работите.

- Мечтаете како еден ден, животот ќе ви биде поубав од денешниот.

- За повеќето работи, оставате вашиот партнер да ги завршува додека вие не се мачите ни да ги помислите и да им посветите неколку минути од вашето време.