Зошто не е добра идеја да му се вратите на бившиот?

Љубовта е најсилната емоција што може да ја почувствуваме, а нејзинот прекин, односно разделбата од личноста која ја сакате, со сигурност претставува еден од најголемите стресови кои може да ги доживеете, тврдат научниците.

Ако се работи за расправија, нормално дека се потребни обиди да ја средите ситуацијата, но ако прекинот на врската е конечен и апсолутен – тргнете напред, а не назад.

Во тешките мигови, пак, присетете се кој ја иницирал разделбата и добро размислете дали ви се исплати да ја обновите врската.

Ова се некои од причините, кои ќе ви помогнат да останете истрајни во вашата одлука:

Сте прекинале поради конкретна и добра причина

Без оглед на тоа дали станувало збор за страв од обврски, неверство или нешто сосема трето, постои добра причина зошто не сте повеќе заедно. А, причината поради која го сакате назад во својот живот, пак, е бидејќи ви недостига. За жал, по раскинувањето, секогаш се присетуваме само на убавите и среќни моменти, а забораваме на оние лошите, кои не оставиле со горчлив вкус во устата. Само потсетете се зошто сте прекинале и продолжете понатаму.

Тој нема да се промени

Ако сте ги имале истите несогласувања и разлики и пред раскинувањето, тие нема да се променат ни сега. Секако, луѓето се менуваат, но доколку партнерот имал доволно време за прилагодба, а ја одбил – готово е. Можно е и најмали ситници да го нарушувале ритамот на вашата врска, но како и да е, работите останале непроменети, па затоа сте прекинале.

Ќе го преболите – порано или подоцна

Само затоа што сте осамени, не значи и дека треба да се вратите во дисфункционална врска. Се разбира, сега ви е лошо, но нештата ќе се подобрат. Помалку или повеќе, сите луѓе прошле низ ваква ситуација. И преживеале.

М. А. | Црнобело