Девојки признаваат: Најлошите причини поради кои не му дадов шанса

Секој од нас си има список на идеални карактеристики што треба да ги поседува потенцијалниот партнер. Но, претеруваме ли понекогаш со пребирливоста?

Додека некои се спремни за компромис и занемарување на потточките од листата во име на љубовта, постојат и такви кои буквално ги игнорираат сите потенцијални партнери што не ги задоволуваат критериумите.

Запрашани да ги откријат најлошите причини поради кои не му дале шанса на додворувачот, четири девојки ги признаа следните:

„Бидејќи беше низок. Знам дека е ужасно, но едноставно не сакам ниски мажи. Знам и дека карактерот е многу поважен од физичкиот изглед, но кога мажот е низок, не постои карактерна особина што ќе ме натера да му дадам шанса.“

„Не му дадов шанса на еден фраер, затоа што од неговиот Фејсбук профил открив дека слуша фолк музика. Можеби е лоша причината, но и понатаму си стојам зад својата одлука.”

„Не му дадов шанса на дечкото што му се допаѓав, бидејќи сфатив дека е голем верник. Јас не сум, а знаев дека тоа ќе прерасне во проблем кога-тогаш, поради што не одлучив во негова полза.”

„Типот говореше со акцент кој ми звучи грозно, па затоа не му дадов шанса. Јасно ми е дека тоа веројатно не е фер, ама таква сум и навистина не можам да сторам ништо по тоа прашање.“

 Имате ли да наведете некоја своја причина?

М. А. | Црнобело