Девојки одговараат: Која е најлошата работа што му ја реков во кавга?

Кога се караниците во прашање, некои луѓе имаат доволно самоконтрола да ги премолчат нештата што би можеле да ја повредат другата страна. Сепак, повеќето немаат.

Запрашани да ја откријат најлошата работа која му ја кажале на партнерот во кавга, неколку припаднички на понежниот пол ги признаа следните:

„Дека е неспособен готован кој е навикнат на тоа жената да го служи, затоа што мајка му не го одгледала добро, како и дека секогаш ќе биде тотален губитник поради тоа. Се каравме околу домаќинските работи.“

„На некои жени им е можеби доволно при кавгата да му подвикнат на фраерот дека има мал „алат“, но јас отидов чекор подалеку, па му реков дека има мал „алат“ кој смрди како да е голем. Обете работи беа вистинити, а за среќа, таа расправија ни беше последна. Раскинавме, така што не морав да му се извинувам подоцна.“

„Класика...дека е селјак, дека пријателите му се сејлаци, дека мајка му е луда, како и дека се гледа дека немал татко додека растел, затоа што е крајно немажествен. Сите работи кои навистина ги мислев.“

„Му реков дека го имам изневерено. Не сум, но му реков дека сум го сторила тоа. Тоа беше мошне глупав потег, затоа што потоа морав да му докажувам дека сѐ сум измислила, што беше напорно. “

„Му кажав: - Затоа и доби отказ и веќе никогаш никогаш нема да пронајдеш работа. Кој би те вработил тебе? – а, се расправавме поради тоа што не ми одговори на пораката навреме. Барав нешто со кое многу ќе го повредам, а отказот беше идеален.“

„Еднаш, на бившиот му реков дека никој не го сака, па како причина почнав да набројувам апсолутно сѐ што ми пречеше во нашата врска. На крајот плачеше. Но, барем бев искрена.“

Кои се најлошите зборови што се ги изговориле вие?

М. А. | Црнобело