5 евтини трикови со кои бившите се трудат да останат во вашиот живот

Не е ниту грешка, а ни случајно. Намерно е. Постојат личности кои на секој можен начин настојуваат да им бидат во мислите на своите поранешни партнери, колку и да тие не се расположени за понатамошна комуникација.

Иако самите посакале да стават точка на љубовната врска, многумина упорно се враќаат во секојдневието на некогашното момче или девојка.

Ќе си заминат, па одново ќе се појават, без разлика на емотивниот статус и негодувањата на спротивната страна во дадениот момент.

Притоа, нивните техники не се симпатични. Напротив. Поради таквото однесување, на другиот му е многу потешко да продолжи понатаму со животот.

Во споредба со нив, поомилени ни се дури и тие што само ќе исчезнат – без трага и глас.

А, петте евтини начини на кои бившите се трудат да останат во вашиот живот се:

1. „Како си? Што има ново?“

Праќаат пораки како ништо да не се случило.

Некои ликови имаат неверојатна способност за игнорирање на реалната ситуација. Па, на бившите партнери кои ве завлекуваат, нема да им претставува никаков проблем да ви испратат најобична порака, потпрашувајќи за новитетите во вашиот живот. Уште и ќе се чудат ако безобразно им одговорите.

2. „Среќен роденден!“

Ги користат специјалните пригоди.

Честитањето на роденденот е една од нив. Дури и кога јасно сте им дале до знаење дека веќе сѐ е завршено, нагласувајќи дека не сакате никаков понатамошен контакт со нив, сепак ќе ја искористат секоја посебна прилика да се слушнат со вас. Во голем дел од случаите, целосно ќе ја ви ја расипат приликата со таквата постапка.

3. „Еј, како се викаше ресторанот каде што бевме еднаш на вечера?“

Ви поставуваат банални прашања.

Притоа, сигурно е дека и самите може да се присетат на одговорите. Меѓутоа, сепак им е помило им е да знаат дека срцето ви затреперило и побргу ви чука, заради нивното повторно појавување во вашиот живот.

4. „Честитки!“

Ве честат со пофалби на ваша сметка.

Без оглед на тоа дали сте дипломирале, сте напредувале на работното место, или, пак, сте направиле нешто сосема безначајно...Тие ќе го употребат како совршено алиби за одново да комуницираат со вас.

5. „Извини, по грешка беше!“

„Случајно“ ви се јавуваат или праќаат порака.

Од сите други, токму на вас?! Во прашање е евтина тактика која е толку излитена, што веќе никој не верува во нејзината вистинитост. Но, наспроти сѐ, неретко се користи и понатаму.

Какво е вашето искуство на оваа тема?

М. А. | Црнобело