Колку пати во седмицата е идеално да се гледаат новите парови?

Запознавте нова девојка/момче и сега 24/7 сте со неа/него? Време е да забавите малку!

Кога ќе започнете да се состанувате со некој нов, во искушение сте да ја минувате секоја секунда од денот со него, а ако не сте со него, тогаш телефонот ви е како залепен за раката.

Но, според експертите новите двојки треба да го смират ентузијазмот и да се гледаат само 2 пати во текот на седмицата.

„Важно е да се задржите на правилото за гледање 2 пати во седмицата за да имате доволно време на страна од вашиот нов љубовен партнер и да им дозволите на најдлабоките чувства да излезат од потсвеста. Овие чувства се важни затоа што ќе ви помогнат да ги видите потенцијалните проблеми со новиот партнер“, тврди психијатарот Скот Керол.

Гледањето секој ден ќе ви ги интензивира чувствата и вие ќе бидете заслепени и нема да го забележите потенцијалниот ризик од сервирање на емоциите прерано. Не треба да брзате со работите.

Иако, некои парови на почетокот може да ја минуваат заедно секоја ноќ и да им биде забавно и да функционираат одлично, тоа не значи дека таа формула ќе продолжи на ист начин и ќе резултира со долга и сериозна врска.

Проблемот на динамиката е што гледањето пречесто ќе креира илузија на интимност и зависност еден од друг, иако за вистински да запознаете некого ви се потребни месеци, па и години.

Но, секој пар е различен, па вие одлучете самите што е оптимално за вас.

С. С. | Црнобело