10 ситници за кои треба да ѝ заблагодарите на саканата личност веднаш

Заблагодарете ѝ што е тука за вас дури и во вашето најнеподносливо издание.

Не земајте го нејзиното присуство во вашиот живот здраво за готово, ниту пак работите што ги прави за вас.

Саканата личност од време навреме има потреба да чуе по некое благодарам од вас.

Кажете ѝ веднаш...

- Ти благодарам што веруваш во мене, особено во деновите кога јас не си верувам.

- Ти благодарам што ми велиш дека сум убав/а и во најлошото издание со подочници.

- Ти благодарам што мислиш дека сум секси дури и кога носам „депресивни“ сиви пижами или пижами со некој Дизни лик.

- Ти благодарам што ми ги слушаш маките од работа, кога и ти си имал/а подеднакво стресен ден.

- Ти благодарам што ми ги поддржуваш одлуките да направам промена во кариерата и што си возбуден/а за секое мое ново работно место.

- Ти благодарам што правиш напори да си во совршени односи со моето семејство, иако некогаш се гласни и тешки за поднесување.

- Ти благодарам што ги сакаш деловите од мене, кои дури и јас ги мразам, и ми помагаш да успеам да си ги засакам.

- Ти благодарам што правиш дури и сивите делови од животот да изгледаат како авантура.

- Ти благодарам што секогаш си искрен/а кога ќе те прашам за мислење.

- Ти благодарам за тоа што си - тоа што си.

С. С. | Црнобело