Машки грешки кои жените не ги толерираат во кревет

На секого може да му се поткрадне грешка во текот на интимните мигови. Сепак, кога повремените пропусти ќе прераснат во правило – задоволството исчезнува. 

Припадничките на понежниот пол не ги простуваат таквите грешки. Напротив. Дел од нив искрено проговореа на оваа тема, откривајќи кои постапки на партнерот не ги поднесуваат во сексот.

Па, момци – доколку не сакате да добиете црвен картон од саканата – внимавајте што правите или зборувате во постелата. Ова се машките грешки кои жените не ги толерираат во кревет:

Погрешно име

„Поранешниот дечко повеќепати во кревет ме нарече по името на неговата бивша девојка. Може да претпоставите како изреагирав! Не дека е прифатливо и во други ситуации, ама да го направиш тоа за време на секс е навистина непростливо.“

Прескокнување предигра

„Не ми се верува дека уште постојат мажи на кои не им е јасно дека добрата предигра е услов за добар секс. Не ми се допаѓа јас да бидам таа што ќе мора него да го тера, само затоа што не му е по волја да вложи петнаесетина минути од своето време за бакнување и милување.“ 

Порно сцени

„Многупати сум посакала да запрам сѐ и да викнам: „Ало, дечко, па не сме во порно филм!“. Веројатно мажите мислат дека она што го гледаат во нив, може да го применат на сите жени. И, уште не сфаќаат дека секоја девојка се пали на различни нешта.“ 

Себичност

„Најлошо ми е кога постојано се очекува јас да ја завршам сета работа. Немам ништо против некогаш повеќе да му се посветам на партнерот, или, пак, тој на мене. Ама, нормално ми е следниот пат улогите да бидат заменети.“ 

Краток секс

„Секогаш сум за секс набрзина, доколку и двајцата уживаме во него. Меѓутоа, краткиот однос исклучиво за негово задоволство, никогаш и никако не ми одговара.“ 

Одбивање кондоми

„Ако нема кондом, нема ни секс. Без дискусија. Кога бев млада и луда се наслушав филозофирања зошто не ни е потребна заштита. Сега тоа не доаѓа предвид.“

М. А. | Црнобело