Како самите не си дозволувате да ја преболите поранешната љубов?

Додека да ја пронајдете вистинската личност која е вредна за вашата љубов, сигурно ќе имате неколку пропаднати врски.

По раскинувањето, во прв момент ќе ви се чини дека никако не можете да продолжите со животот. По само 11 недели веќе ќе знаете дека го преживеавте најтешкото, а по најмногу 18 месеци целосно ќе преболите.

Доколку тоа не се случи, можно е самите да се спречувате во процесот на преболување. Дури ниту траењето на врската не е толку голем фактор во преболувањето, колку што е вашиот став околу тоа.

Прочитајте како самите го саботирате своето закрепнување од раскинувањето:

1. Правите катастрофа од тоа

Иако во прв момент навистина ви се чини дека тоа е најголемата катастрофа што можеше да ве снајде, вашето закрепнување почнува уште од следниот ден.

Во оваа ситуација најважен е вашиот став. Можете да „се соберете“ и да се посветите на тоа да ви биде подобро или можете да кукате, да запаѓате во меланхолии и да си направите секој ден да ви биде сè полош. На вас е што ќе изберете.

2. Живеете со многу „што ако“

Теоретски, можете да се носите со сè што животот ви сервира и сметате дека сте храбри и силни личности. Но, доколку врската ве исполнува со тага и многу „што ако“, треба сериозно да преземете нешто.

Постојат парови кои се вратиле еден на друг по подолг период, но тоа не можете да го очекувате и за себе. Живејте го животот како тоа да нема никогаш да се случи, намалете ги „што ако“ прашањата и оставете нештата да течат природно.

3. Одбивате да прифатите дека е готово

По раскинувањето вие мора да продолжите со животот и тоа е непобитен факт. Реалноста не е Холивуд и малку е веројатно дека и двајцата ќе седите во исто време и ќе препрочитувате пораки и ќе сакате да се вратите во врската.

Периодот по раскинувањето е навистина турбулентен на емоционален план, но колку побрзо прифатите дека е готово, толку полесно е преболувањето.

4. Губите смисла за себе

Однадвор изгледате како сè да е во ред, но во својата глава од утро до вечер правите сценарија како да се сретнете случајно, како да разговарате, па дури и како да го вратите партнерот.

Внимавајте. Во целиот тој процес, губите дел по дел од своите достоинство и индивидуалност.

5. Го слушате она што ви одговара

Имате десет пријатели кои ви зборуваат да преминете преку тоа, ве храбрат и поддржуваат и ви ги отвораат очите кон реалноста. Но, постои тој еден кој ќе ви даде погрешна надеж дека можеби уште има шанси за таа врска и со тоа прави огромна штета, а на вас толку ви треба за да се „фатите“ за таа теорија.

Е. Д. | Црнобело