Како да препознаете дали налетавте на недопирлива личност?

И додека едни луѓе успеваат да препознаат кога вистинската љубов им доаѓа на врата, други тоа нема да го видат дури и ако им падне на главата.

Од вторите треба особено да се чувате, доколку препознаете дека постои можност вашите искрени чувства да бидат злоупотребени или игнорирани.

Да се биде последен на нечија листа на приоритети е навистина болно, особено ако имате искрени намери и ако ви значи.

Затоа, важно е да ги препознаете предупредувачките знаци навреме:

1. Ви кажуваат дека не се подготвени за врска, но и понатаму ве бараат и се однесуваат баш како да сте во врска. Поради тоа и се надевате, но за жал, напразно.

2. Имаат долга врска зад себе која завршила со лошо раскинување. Ако тоа се случило неодамна, таа личност уште е истрауматизирана и иако не е свесна за тоа, потребно ѝ е повеќе време за да се врати во нормала.

3. Загледува други девојки/мажи дури и во ваше присуство правејќи го тоа недискретно, па дури и дрско.

4. Нивното однесување ви дава до знаење дека не сте важни, односно дека пред вас секогаш се сите други нешта, а за вас има време само ако така се скоцкаат работите.

5. Не познавате никој од нивните пријатели, иако се гледате неколку месеци. Всушност, не сте поканети на ниту едно собирање со пријателите и нивните партнери.

6. Не чувствува одговорност кон договорите, па може да ви откаже во последен момент или да доцни со часови и воопшто да не чувствува вина поради тоа.

7. Испраќа измешани сигнали. На една средба зборува едно, а веќе на следното слушање се побива себе. Тоа е знак за незрелост.

Е. Д. | Црнобело