Нејзините бивши - кретени

Како што мажите се склони за бившите партнерки да зборуваат лошо (сите со ред биле ненормални) така и некои дами се склони за бившите партнери да...

 

...зборуваат како за кретени (сите со ред биле кретени). Со такви личности треба да се биде внимателен, за да еден ден не доспеете на списокот на „кретени/ненормални“.

Се случува да бидете со погрешна личност. Може да се случи жената да биде со некој за кој ќе се испостави дека е будала, насилник, кретен...

Можеби во старт не видела каков е, можеби се залажувала и го гледала само тоа што сакала да го види. Се случува. Секому тоа може да му се случи еднаш или два пати. Веќе кај третиот пат се поставува прашањето зошто таа одбира „кретени“ дали се „лепи“ за такви или баш тие ги привлекува.

Сè под претпоставка дека нејзините бивши партнери навистина биле „кретени“. Постои можност дека не се, дека се работи за сосема нормални мажи кои не сакале да и го исполнат секој нејзин хир па ги отфрлила како „кретени“.

Дамите кои се склони да ги оцрнуваат сите или скоро сите бивши партнери треба да се свесни дека истовремено се оцрнуваат и себе си.

При тоа, да не спомнуваме дека при запознавање со потенцијален партнер не е добра идеjата постојано да се зборува за поранешните партнери бидејќи тоа остава впечаток дека не сте расчистиле со минатото.