Што може да ви открие бакнежот за вашата врска?

На сите ни е добро познато дека бакнежот служи за размена на страст и нежност, но сепак има и друга улога. Според научните истражувања, додека се бакнуваме, истовремено споделуваме информации за кои не сме ни свесни.

Нашите мозочни клетки потоа извлекуваат заклучоци, со кои може да се одлучи судбината на понатамошниот однос меѓу партнерите.

Истражувачите од универзитетот во Оксфорд темелно ги испитале тајните зад бакнувањето и откриле дека жените се подобри во препознавање кој партнер е добар за нив, според начинот на кој се бакнува.

Тие се повеќе пребирливи и на бакнежот му даваат поголема важност.

Бакнежот, всушност, може да ни открие што некој сака, какво му е здравјето и на крај, колку е сигурна личност.

Додека се бакнуваат, партнерите разменуваат супстанција наречена себум, што ја произведуваат жлездите. Себум содржи феромони, кои ни даваат вредни информации за друго лице. Накратко, тој открива што ни е заедничко.

Понатаму, оваа супстанца открива дали партнерот е доволно здрав и способен за да создаде семејство. Се разбира, процесот на оценување се одвива несвесно, но влијае врз нашата одлука. Дури 60 проценти луѓе изјавиле дека изгубиле интерес за потенцијалната личност по лошиот прв бакнеж.

Бакнувањето може да разбуди привлечност, но и аверзија.

Бакнежот ја зајакнува врската меѓу двете лица кои се сакаат, стимулира секреција на окситоцин, познат како хормон на љубовта. Покрај овој хормон, се произведува и сератонин, кој го зајакнува расположението и создава доверба.

Од друга страна, кортизолот, хормонот на стрес е минимален. Веројатно ќе размислите за сето ова следниот пат кога ќе се бакнувате со партнерот. Ова не е само форма на забава и интимност, туку и основа на здрава и силна врска.

Ашера | Црнобело