Зошто ве залажуваат? (2)

Веќе се запознавме со првите четири причини зошто некои го залажуваат партнерот дека сакаат сериозна врска. Продолжуваме со уште четири.

 

5 . Веќе се во врска. Флертувањето со некого емотивно ништо не им значи и не им паѓа на памет дека можеби вам нешто ви значи, имено повеќе од попатна забава и меѓусебно хранење на егото.

А, доколку се веќево врска, но не баш среќна, ќе флертуваат со вас поинтензивно, давајќи ви уште поголема надеж, бидејќи им е потребно внимание и нешто да им ја надомести среќата-а нема да ги остават партнерите, ниту пак им паѓа тоа на ум.

6. Го прават тоа што можат. И нема да престанат со тоа се додека не им ставите до знаење дека таквото однесување нема да го толерирате.

7. Воопшто не им паѓа на ум дека ве залажуваат. Различни луѓе едно исто однесување го толкуваат на различен начин. Тоа обично се завршува така што едниот ќе ги покаже своите чувства, а другиот збунет ќе одговори ...мислев дека сме само пријатели.

Доколку некој смета дека вие двајца сте платонски пријатели, нема да му падне на ум дека нивното однесување ќе го протолкувате поинаку, па дури и да се гледате и излегувате секој викенд.

8. Сакаат секс. Мажите го прават тоа почесто од жените. Сакаат секс, па на личноста со која се гледаат ќе и зборуваат се и сешто, дека многу им значи, само за да се сложи на секс со нив.

Што да се стори во такви ситуации? Доколку чувствувате дека не сте ни ваму ни таму, побарајте од партнерот да се изјасни. Тоа би требало да го примора да ви даде барем некаво објаснување, а можеби нешто и да превземе.

И немојте да заборавите... тие ќе продолжат така да се однесуваат се додека вие им дозволувате.