Изгубени во преводот

Многу пати до сега сме зборувале и пишувале дека мажите и жените размислуваат на различен начин и дека поради тоа доаѓа до недоразбирања.

 

Тоа можеме и да го покажеме на некоклу конкретни примери – што вели таа, што мисли впрочем, а што мисли тој дека таа всушност му рекла.

Често се спомнува дека мажите го мислат тоа што го кажуваат и само тоа, на пример, ако ја замолат партнерката да им го подаде соларникот, тие не велат дека таа не знае да готви и дека не зготвила по нивен вкус, туку едноставно го бараат соларникот.

Меѓутоа мажите воглавно со време научуваат дека жените не постапуваат на ист начин и дека она што тие ќе го изговорат може да имплицира нешто друго – само проблем е ДА СЕ ПОГОДИ ШТО Е ТОА НЕШТО ДРУГО.

Да речеме, таа вели дека шефот и е грозен и дека имала лош ден на работа. Со тоа сака да каже дека сака малку да се пожали на шефот и на работата и дека сака некој (односно партнерот) да ја ислуша. Она што тој го слуша е дека таа сака да се посоветува како да излезе на крај со шефот.

Познат пример: таа вели дека сака да разговараат, со тоа мисли дека има нешто важно да му каже и дека сака за тоа да зборуваат, а тој мисли дека нешто дебело згрешил и дека таа сака да се кара со него.

Уште еден чест пример: таа му вели дека чевлите не му се сложуваат со каишот и му предлага да облече црни наместо кафени чевли. Таа само сака тој да изгледа подобро, но она што тој го слуша е нешто како „Бебето не умее само да се облече, па ни боите да ги усогласи!“

Таа вели: „Жал ми е што имаше лош ден. Веројатно лошо и се чувствуваш“. Со тоа сака да каже дека сочувствува со него. Меѓутоа она што тој го слуша е сожалување и помисла дека е слабак.

Таа го прашува што мисли за некоја девојка, дали е згодна. Она што мисли е „Кажи ми дали убаво изгледам?“. Тој мисли дека се работи за трик прашање, дека е во опасност и дека е најдобро мудро да молчи.

Да не дојде до забуна, нема секогаш да има вакви недоразбирања, ниту пак наведените прашања и коментари ќе имаат исто значење, а и мажите нема секогаш исто да одговорат. Ова беа само некои релативно типични примери во кои вие не мора да се вклопувате, а и да не напоменуваме дека со време разбирањето помеѓу партнерите се продлабочува.

Меѓутоа, додека не дојде до таа фаза и мажите и жените понекогаш се чувствуваат навистина изгубено.