Волшебни десет минути

Добро организиран маж кој води сметка за себе може да се претвори во „господин беспрекорен“ само за десет минути. Значи, десет минути...

...до цел час имате за да се подготвите за неочекувана средба.

Жените таква можност сигурно би откажале, или би ја поместиле за цел час, но кога се мажите во прашање тоа не преставува никаков проблем.

За почеток, брзо туширање со млака вода. Тоа е трик за моментално освежување и брза релаксација. При тоа додајте добар гел за туширање, дишете длабоко и трудете се што повеќе да се опуштите. Немојте да мислите на времето. Тоа се вашите две минути, времето кога треба да се фокусирате исклучиво на своето тело и да добиете нова сила.

Следи бричење. Добар избор на пена за бричење ќе ви ја заштити кожата и ќе ви ја омекне брадата. И сè ќе биде совршено. За да биде комплетен впечатокот, додајте и балсам, кој ќе го заштити лицето од иритација, ќе го направи лицето помазно и посјајно и ќе ви даде пријатен мирис.

Обрнете внимание на колонската вода, жените имаат специфичен вкус за мирис. Она што вам добро ви мириса може неа да ја држи три метри подалеку од вас. Прснете мирис пред вас и грациозно поминете низ облакот мирис – тоа е вистинската мерка.

Колку време ви остана? Некои четири минути. Таман толку да ги тргнете влакната кои израснале на неочекувано место. Особено внимание посветете на веѓите, бидејќи магистралните патишта преку челото повеќе не се во мода.

Без разлика на тоа дали некои жени претеруваат кога ќе речат дека секој маж прво го гледаат во забите и ја анализираат неговата насмевка, вие мора да заблескате (и поради здравјето, и поради естетиката). Затоа четкичката в раце!

Ви останува последната минута. Пред да влезете во гардеробата, фрлете последен поглед на досегашните подготовки. Многу е важно да нема непријатни изненадувања. Значи сè може да се заврши само за десет минути, без многу труд и да се добие титулата „голсподин беспрекорен“!