Силиконски кукли

Не можат да се препознаат ни на поглед ниту на допир. Не пукаат при пливање, нуркање или авионски летови и достапни и се на секоја жена доколку плати...

... одредена сума пари. На кратко, се работи за силиконски гради. Чудното соединение на силициум и кислород го смени животот на многу жени (а се разбира и на многу мажи).

По некои проценти, во светот околу два милиони жени ги обликувале своите гради со помош на силиконски протези: ги зголемиле или смалиле, ги подигнале или зацврстиле.

Во почетокот им беше достапно само на одбрани, силиконот денес го вградуваат и обични смртнички.

Тој широко се применува и во медицината и во секојдневниот живот, но пред сè, со заслуга на медиумите, познат е по употребата во сететската хирургија.

Откако се појавија силиконските импланти предизвикаа многу отпор. Во некои земји дури е забранете нивната употреба, а жените што сакаат да го разубават своето тело со силикони, таа одлука ја сметаат за неправедна.

За да се победат предрасудите, сè повеќе жени се одлучуваат своите гради да ги разубават и зацврстат со силикон.

Па зошто да им се забранува? Ако веќе се превземаат сите мерки за медицинска грижа, на крајот сè се сведува на неколку шавови и конци кои се тргаат по две недели.

Градите направени по желба и мерка на сопственичката траат цел живот. Потребата на жената да има совршени или што посовршени гради пред сè може да се  оправда со потребата да бидат посакувани од машкиот пол.

Дали за тоа можеби е виновна Барбиката, куклата со совршени пропорции и истакнати гради, со која израснаа многу генерации жени? Можеби, гледајќи совршенство и самите посакале да изгледаат совршено.

Гледајќи од машка перспектива никој не може да ги обвини што посакале во очите на мажите да изгледаат попривлечно.