Виртуелни онлајн односи

Разговараат, се запознаваат, се заљубуваат и водат љубов на нет. Така најдобро би можело да се опишат интернет зависниците, жртви на најновата...

...зависност која опфаќа десет проценти од сурферите на мрежата.

Сајбер просторот крие нова, анонимна метода за интимно дружење. Колку и да изгледа необично, анонимноста и можноста за флертување, сексуалноста и романтичниот онлајн контакт стануваат се попопуларни.

Никогаш порано овој начин на комуникација не бил достапен на толку многу луѓе. Анонимноста поттикнува храброст во однесувањето, па се прават многу работи кои не би се направиле во реалниот контакт со спротивниот пол.

Во реалниот живот, флертот лице во лице се состои со климање со глава, поглед со очите, опуштени конверзации, комплименти, сексуални илузии, гестови и шеги.

„Онлајн односите“ стануваат поинтензивни за пократко време. Директните и експлицитни коментари за сексуалното однесување можат да делуваат стимулативно и да ја поминат границата помеѓу обичен флерт и сексуален однос.

Во флертот има одредена граница или ограда. Границата уште повеќе ја истакнува реалниот свет. Можноста за одбивање и непријатност затоа што таа личност повторно ќе ја сретнете ги прават луѓето внимателни и го забавува нивното напредување кон повисокиот степен. Во виртуелниот свет тие вообичаени маркери ги нема. Нема вербални знакови на непријатност.

Тука е и силата на пишаниот збор – особено ако вклучува сексуални алузии. Писателот може да си даде време за обликување на зборовите, а може и однапред да си подготви скици или делови од разговорот.

Можат де се создадат личности кои се доверливи, чувствителни, романтични, додека во реалниот живот тие замолчуваат, се плашат од разговор, од поглед во очи...

Седејќи на столче во секојдневното опкружување, пред екранот на компјутерот, човекот има алузија на сигурност и заштитеност, што и го поттикнува поекстремното однесување.

Виртуелната врска не носи страв од сида, бременост, трагови од кармин на кошулата...