Цел ден на штикли - невозможна мисија

Многу девојки не можат комфорно да носат високи потпетици. Освен што е важно претходно да ги „разгазат“ низ дома, треба да одат најмалку два часа...

...и тоа најдобро во хулахопки или тенки чорапи.

Облечете ги повторно штиклите 20 минути пред да излезете.

Еве уште неколку трикови како да го совладате носењето штикли. 

Постепен „раст“

Висината на штиклите зголемувајте ја постепено. Носете ги оние од пет, па седум, десет и повеќе сантиметри. Ако ги немате баш сите модели на располагање вежбајте со помош на столче. Опуштете ги прстите, подигнете се на нив и држете ги петиците во воздух. Повторете го ова неколку пати и ќе ги зајакнете стапалата.

Стабилен став

Свртете ги стапалата кон надвор – тоа ќе им даде стабилност на вашите колкови, а и зглобовите на стапалата ќе ви бидат постабилни.

Опуштете се

Зајакнете ги стомачните мускули, долниот дел на грбот и колковите. Ако сте силни во средниот дел од телото, ќе ја снема вкочанетоста во екстремитетите. Додека одите со штиклите релаксирајте ги колената.

Лизгајте нежно

Многу жени мислат дека гламурозното одење на штикли е некој вид „преправање“. Ако сакате да одите женствено, опуштете се. Идејата е да не изгледате напнато, туку лежерно со многу самодоверба.

Важни се и рацете

И рацете мораат да бидат опуштени и нежно да се движат покрај телото. Подлактниците слободно нека паѓаат.

Негувајте и стапалата

Редовно масирајте ги стапалата, може и само неколку минути дневно. Вашите нозе мора да бидат во топ издание за да изгледате убаво на високи штикли.