Mulberry ја претстави чантата Дел Реј

Лана Дел Реј штотуку се вброи во една од ретките музи на познатите дизајнери. За кратко време доби своја чанта од Mulberry која што е спој на гламурот на стариот Холивуд и современата практичност.

На модната недела во Лондон, познатиот бренд ја промовираше чантата на која е испишано “Del Rey”, како дел од Catwalk колекцијата. Достапна во неколку бои, сите украсени со златни детали, навистина потсетува на новата модна икона и го следи нејзиниот стил.

Еве што дизајнерот мисли за оваа чанта: “Del Rey чантата има совршена структура. Воедно изгледа како тврда чанта со непроменлив облик, а всушност е направена од приспособлив и мек материјал.”

Лана Дел Реј едноставно изјавува дека е воодушевена од самата помисла дека таа е нечија муза и инспирација. Го обожува миксот на стариот Холивуд со современиот стил. Тоа и го докажа повеќе пати досега, кога беше забележана како гордо го носи дизајнот именуван според неа.