Направете сами: Ретро брановидна коса

Класиката е најчесто најдобра опција кога тежнеете кон елеганција, женственост и нежност. На овогодинешните Златни Глобуси голем број ѕвезди ги одбраа добро познатите ретро романтични бранови, кога станува збор за фризурата. Потсетуваа на гламурозни филмски диви од времето на стариот Холивуд.

Доколку и вие сакате да изгледате како некоја од ѕвездите на црвениот тепих, погледнете го следново видео во кое само за неколку минути ќе научите како да постигнете изглед на гламурозна дива.

Најпрво исфенирајте ја косата. Направете патец на страна. Поделете ја косата на прамени големи околу 5 сантиметри и виткајте ги со фигаро. Започнете од задниот дел.

Горните слоеви треба да бидат повиткани од долните. Секој навиткан прамен зацврстете го со мала шнола и оставете ја косата во таа состојба околу 20тина минути, а потоа испрскајте ја со спреј за заврстување на косата.