Како да ја негувате кожата со сочен портокал?

Во овој период на кожата и е потребна посебна нега. Ниските температури, ветарот и сувиот воздух дополнително ја прават кожата чувствителна, склона кон црвенила и иритации.

Заштитата, редовниот пилинг и богатата хидратација се неопходни, а додатната нега многу лесно ќе ја пронајдете во вашата кујна.

Портокалот е полн со витамини, па затоа ви предлагаме да стане ваш најдобар сојузник за убавина. Портокаловата киселина ги чисти изумрените клетки, со што кожата е помазна и мека.

Исцедете сок од половина портокал, додајте ¼ шолја шеќер, ¼ шолја маслиново масло и измешајте. Треба да добиете густа смеса.

Со другата половина од портокалот поминете ги деловите каде кожата е најсува и нежно тријте неколку минути. Потоа, нанесете ја смесата која ја подготвивте.

Маската оставете ја да делува 15тина минути, а потоа добро измијте го лицето со млака вода. За крај, хидрирајте ја кожата со богата крема.