Зачувајте го бронзениот тен

Летните одмори се при крај, иако се уште има такви кои уживаат во убавите морски, или езерски плажи. Како и да е, после одморите се враќате со убав бронзен...

 

...чоколаден тен.

Кожата ви е сјајна и убава, но знаете дека бојата не трае многу долго. Еве неколку совети што да направите за да ја зачувате колку што можете повеќе:

1. Првото правило е хидратација. За да ја задржи бојата кожата мора да се одржува влажна. Се советува користење на лосиони или млеко за тело за навлажнување.

Не заборавајте дека и клима уредите го сушат воздухот, а со тоа и кожата. Затоа пред престој во климатизирана просторија, обавезно нанесете млеко за тело и имајте при рака вода во спреј за одвреме навреме да можете да се освежите.

2. Пијте доволно течности, затоа што најголемиот дел од хидратацијата доаѓа од внатре.

3. Избегнувајте пилинзи и триење на кожата кои побрзо ќе ги отстрант исончаните клетки на кожата. Исто така, избегнувајте сауна и долги капења – наместо тоа одберете туширање.

4. Добрата исхрана исто така влијае врз тенот. Јадете производи кои содржат бета-каротен - моркови, спанаќ, или диња.

5. После секое туширање ставете масло или млеко за тело и тоа на влажна кожа.