Во мода се враќаат ѕвонарките од ‘70те (фото)

Постои нешто неверојатно удобно во модата од ‘70те, па затоа сите модни куќи и буквално целиот моден универзум одлучи во 2015та да се врати клучниот момент од овие години - ѕвонарките.

Додека тесните фармерки се сигурен избор кој прилега на речиси секоја градба, ѕвонарките се малку попредизвикувачки затоа што важен е високиот струк.

При облекувањето на ѕвонарки имајте на ум дека високиот струк ќе ви додаде облини околу бутовите, но и ќе ја издолжи силуетата.

Се работи за модна рамнотежа и создавање на совршена силуета - тенок струк, долго тело, благи облини. Важно е само ѕвонарките да завршуваат неколку сантиметри над вашите чевли, не да бидат пократки.

Како да ги носите ѕвонарките?

Одлично изгледаат со кратки маички, широки кошули, јакни од џинс до струкот, наметки, џемпери, кожни јакни, зависно од пригодата.

Платформите се секогаш добредојдени, исто како и високите шпиц потпетици кои ќе ви додадат неколку сантиметри плус.

Носете ги преку ден, во канцеларија, на кафе или пак навечер - во секој дел од денот изгледаат ретро, но елегантно и префинето.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•