Модни заповеди за оваа есен

Претпоставуваме дека непредвидливото време овој месец ве спречило да тркнете до продавниците во градов за да си ја најдете комбинацијата во која ќе заблескате...

 

 

 

...оваа есен. Затоа ние сме тука, да ви ги предложиме најголемите модни трендови.

Виолетова боја – Хит за оваа есен
Добро позната комбинација на црно и лила е апсолутен хит за оваа есен. Капути, сакоа, фустани или чизми во пурпурно издание се MUST HAVE. Доволно е само едно парче во вашата гардероба со оваа боја, и ќе ви го освежи целиот есенски изглед. Оваа боја може да се комбинира со нешто црно, свилено или едноставно со џинс.

Карирано
Карираното повторно се  враќа на големата врата. Ако до сега сте го сакале карираното, нема шанси да го избегнете и оваа есен. Карирани шкотски здолништа, или некој кариран додаток, некоја карирана ташна или шал се сосема доволно да бидете во тренд. Внимавајте да не претерате, па да бидете премногу нападни и нескладни.

Раскошни крзна
Голем број на модни куќи оваа есен не го изоставуваат крзното во нивните најнови колекции. Крзнени бунди или крзнени детали на чизмите или ташните, ќе направат да изгледате гламурозно. Дури и ако соберете храброст се облечете како Кери во Сексот и Градот со крзнена бунда врз вечерната тоалета во комбинација со златни сандали, целиот свет ќе биде ваш.

Кожнени панталони, чизми и ташни
Не морате де бидете жената – мачка за да носите кожнени панталони, кои холивудските ѕвезди ги обожаваат. Ако не сакате панталони од тој материјал, може да се решите за чизми, ташни или некоја јакна.

Шљокици за дневен изглед
Урбаниот шик на Chloe, Celine и Barbara Bui се токму шљокиците, кои не се само дел од додатоците, туку и на вечерните футани и кратките јакни. Неморате да го чекате викендот да станете диско кралици, овие светкави нешта можат да станат дел и од вашиот дневен изглед и тоа во комбинација со некоја бела обична шамучна маичка, за секако да припазите да не изгледате како диско топка.

Големината на ученичките стилови
DKNY, Malo и Marc Jacobs ги вратија доколенките, краватите, пуловерите, елечињата и здолниште со набори од школските клупи. Но ќе ве замолиме да внимавате иако овој изглед е примамлив, комбинирајте со внимание за да не оставите промискуитетен впечаток. Здолништата можат да се искомбинираат со моторџиски чизми, со тоа ќе постигнете еден секси изглед без некои додатни детали.

Портокалово
Веднаш по виолетовата, портокаловата боја е следниот најдобар избор за боја оваа есен. Соберете храброст и купете си портокалов капут или вечерен фустан со некоја од нијансите на таа боја. Еден совет ...не ја комбинирајте оваа боја со црно!!

Големо е секси
Доколку некогаш ви се случи да посакате да ги носите панталоните на вашиот љубен, ставете си трегери и подвиткај те ги, не се секирајте нема да ви се смеат. Големите и широки панталони од осумдесетите се вратија во мода. Совет.. комбинирајте ги со штикли со вискока потпетица.