Французинките советуваат: Бирајте и купувајте долна облека како вистинска дама

Кога ќе помислиме на Французинка, секогаш замислуваме убава, негувана жена која прекрасно мириса, а на која секое парче облека ѝ е внимателно избрано и искомбинирано.

Интересно е што тие не обрнуваат внимание само на тоа како изгледаат во јавност, туку и како изгледаат пред самите себе дури и тогаш кога се во долна облека.

Креативната директорка на „Журнел“, Ранија Абу-Ед, открива какви навики имаат Французинките кога избираат долна облека за себе.

Сменете го мислењето за долната облека

Французинките трошат 20% од нивниот испланиран буџет за облека само на долна облека. Тие велат дека навистина е важно да се чувствувате убаво и со она што го носите под дневната облека.

Затоа, обрнете внимание кога бирате градник или гаќички и најдете го тоа што најдобро ви прилега.

Носете секси долна облека пред сѐ заради себеси

Многу жени ги чуваат поубавите парчиња на долна облека за посебни пригоди, особено кога се во друштво на својот партнер.

За разлика од нив Французинките носат секси долна облека секојдневно, и за секоја пригода – тие едноставно сакаат да се чувствуваат добро секој момент кога ќе се погледнат во огледало.

Купувајте комплети

Квалитетни парчиња долна облека усогласени меѓу себе можат да бидат тајната на секоја жена која е самоуверена и подготвена за сите предизвици. Формулата е едноставна, купете три пара гаќички за секој градник што го поседувате.

Купувајте квалитетни пижами и ноќници

Освен надвор, Французинките пленат со стил и кога одат на спиење. Спиењето во квалитетна пижама од пријатен материјал е едно од најдобрите чувства на светот.

Па, доколку сакате истовремено да чувствувате удобност и елеганција, одвојте малку поголем дел од својот буџет и внесете луксуз во моментите кои ги поминувате во постела.  

С. У. | Црнобело