Трикови за кога температурите нагло ќе паднат, а вие ја спакувавте зимската облека

Во зима сите знаеме како да се загрееме – неколку блузи под џемперот, дебели хеланки под фармерките, дебели чорапи во чизмите...

Но, оваа година имаме непредвидлива пролет со нагло качување и опаѓање на температурите, па доколку ја кренавте зимската облека и се плашите да не смрзнете во наредниве денови (кога повторно ќе настапат минусните температури), искористете ги следниве трикови:

Туниките и џемпер фустаните секогаш можете да ги носите со високи чорапи под чизмите кои дополнително ќе ве загреат.

Слоевито облекување – ставете кошула под џемперот, подолга маичка под ролката...

Откопчаната кошула и кардиганот со волумен се исто така добар спас. Избегнувајте џемперчиња кои се потенки.

Секогаш и над фармерките можете да ставите уште еден пар чорапи над колениците, па потоа да облечете чизми. Плус визуелно ќе ги издолжите нозете.

Ставете дополнителен слој во чевлите. Добро би било сами да си исечете влошка од топли материјали.

Носете контрастни или црни (дебели) хулахопки под фустанот. Така ќе додадете „топла нота“ на пролетниот аутфит.

М. Д. | Црнобело