Високите штикли будат желба за секс

Високите потпетици прават ногата да делува издолжено и гламурозно, a не е тајна дека жените ги обожуваат. Дизајнерот Кристијан Лубутин...

...отишол чекор подалеку, па тврди дека еден обичен пар чевли може да има големо влијание на женското либидо.

Лубутин, кој дизајнира обувки веќе 20 години, верува дека со поставувањето на стапалата на штикла, дамата всушност се става себе си во потенцијална положба за оргазам, затоа што нејзините нозе се наоѓаат во положба каква што заземаат додека доживуваат оргазам.

- Женските чевли содржат елемент на заводливост, кој што не е присутен кај машките чевли.

Благодарејќи им на обувките, жената може да биде сексапилна, шармантна, духовита или срамежлива, додека мажот со чевлите може само да ја покаже својата економска моќ.

Дизајнерот исто така истакнува дека жените се среќни дури и ако носат неудобни обувки, сè додека изгледаат убаво. Тие се во состојба да се „заљубат“ во одреден пар чевли и без размислување да го купат, дури и ако во моментот не можат да си го дозволат тоа.

Писателката Даниела Стил наводно поседува 6.000 пара чевли, а актерката Блејк Лајвли во една прилика купила 40 пара чевли во еден ден. Викторија Бекам продолжи да носи Лубутинки на штикла дури и за време на бременоста, сè додека лекарот не и забрани подади проблеми со ‘рбетот.

Откако и продал неколку десетици пара чевли, познатиот дизајнер станал добар пријател со Викторија Бекам.

- Таа никогаш не се однесува како глушец кој се обидува да се сокрие. Има изграден став и енергичен настап. Поради тоа многу луѓе ја сакат и почитуваат – изјавил Лубутин.